aftershock

the hoot of the owl
in cold February eve
trembled the silent land
the wall collapsed
the bridge collapsed
and the way was divided into two
one submerged,  another uplifted
many feet trailed to the hill
while mumbling their prayer
salvation is what they ask
while in  prone lying position on the dust......

timog na...

nagbabalik na su ngamin sa dati
ta tapos na su bagyo,
maluway na su uran,
ag pinangluya na su angin...

I
Nagkakaragting su sinsilyong sa bulsa ni manay
matapos ko mag-gapon na magparalibot
tanganing ilako so binatagan.
Pauli na siya agko na bitbit na sad na kilong bugas na nagtuturotabyon.....

II
Rinanggang na  su enramada,  naglapatak na su trapal sa raga
pinatong patong na su mga lamesa ag  pinaraydan na suulaan.
Inakot na ko van ni Del Carmen su mga ginamit na nagmumundong kurtina
carpet na napatakan isperma, ag mga bombilyang mapusyaw na nag-gwardiya
sa sad na semana.

III
Natapos na su mangilong pag sagyad ku pamunpon
sa palitada tanging matipon sa kinalkag na paruy na gana bulawan sa init.
Nakasako nang burobaktot na linoloog na pabaliks sa bodega.
Pero su tagras ag ibo, nakarukot pa man sa bado ag kulit...
magatol, maapri.....pero kaipuhan na tioson......


nagbabalik na su ngamin sa dati
tapos na su bagyo
maluway na su uran
ag pinangluya na su angin....

sibang

nagsilong ka kanako
nagsilong man  ako kanimo
uno ko nabayad sa lalawgon mo
uno mo man nabayad sa lalawgon ko
di ko isi
di mo man isi
inaanap mo ko
inaanap tay ka
inibanan mo ako
inibanan ta man ka
agko kay  ka kinuko kanako
agko man ako nakuko kanimo


....nag-agi su aldaw
nagparasuka ko
nasibang mo ako....

uring rigos

ku usad na aldao iniisip ko
na amu  di a uri kong rigos
sa taon na ini
paryas ko usad man na taon
inilod kong maray su awak
tinanggal ngamin na libag ag murit
kinuskus kong maray
siguro tanganig malinigan
pinaagiyan sa sabon ngamin na parte ka awak ko
kinakamrot tanganing maasirot ka kuko
su mga ating diri nadara ku ilod
nirisa ku ading awak ko
dati pa ning gayud maniwang
puro bukol-bukol
(kuno raw ako migtaba?)
inisip ko ku nakaaging taon
su mga bagay na sabi kong gigibuon
ah di ko  man ngamin nagibo
nguwan na paabuton na taon
uno naman a nag-uulat kanako?
dawa maagnow mauban akong narigos
pigparaisip ko kun pasarin na ako paiyan
kung bumabalik o umaabante
malibong minsan makulog sa payo
pag binuburobalanse a sitwasyon....

sa luwas mangitngit na
nagruluwasan na su kulalapnit
namaaram na su saldang ku aldaw...
nagkikirikiti su lana sadto kawali.......

buko ako

diri ako paghusgahi  sa asgad
ta buko akong asin
diri ako paghusgahi sa pait
ta buko akong apro
diri ako paghusgahi sa alsom
ta buko akong suka
diri ako paghusgahi sa tam-is
ta buko akong asukar
kung uno ako
sana tanggapon mo
pati a kaluyahan ko
ag kakundian ko!

paayap

Sa  pag-uyop ka angin
Mig-akbot sa abrot
Itataas...
Guru-gatingay na ititikrag
Pigsusuway su apa
sa tupasi....
Pupuruton su kawuy-kawuy
Ibabagat......
Utro mig-akbot
Luway-luway na ititikrag
Habang nagsusuway su tupasi sa apa
Utok nagdadalagan na
Nakangirit ta nganod
Siguradong  kwarta.

agbaan

Sa kaababaan
ka paglayog
Masakit
kang rakpon,
abuton.

A purong-putungan
di mo pa
natung-tungngan
pero bilog na
a kamuyahan
mo.

Binalanse
a kagayunan
miy
kapakumbabaan
siton
kupad
ka pakpak mo .