Palo

palo....
gakudan sa damulag, kanding, ag baka
palong pinalpal tanganing makatalbong
makatadyok.......
diri mabubugnot.....
diri magagabot


palong kinaptan ko sa mauban na panahon
palong pinatulis ko, ko sundang....
palong pinili ko sa mga kawayan....
tulid.....
matibay....
matanos....



pag miglawig pirming dara-dara.....
pag miglalin pirming dadarahon.....
palong pinayaba ko na
paryas ka pagpayaba ko ko mga ataman namo...
palong nakatatak na sa utok ko
inaanod na sa ugat ko......
kasabay ka pagpitik ka pulso ko......


sana a mga tawo nagin palo
pirming nakatadyok.....
pirmig matibay.....
diri magagabot....
diri mauuda......
ako kaya nagi nang palo
ta itinadyok ko na a sadiri ko sa ragang ini.....
sadi ragang ini na ko malullupa
diri na ko sadi magagabot....