Linawig ko ding ataman
Sa marambong na dootan
Pagkaramrag saka ko binalikan
Tanganing ilalin naman.
Ay! Sari na ka nagliwalliw
Ta siguradong ika nakabiliw
Ta nawatak na sana so pisi mo ag palo.
Sari na baya ika naglalalao?
Sinundan ko so gira mo
Pasurok sa katatambuan.
Surok sadi.....surok sadto....
Amo di pigparagibo ko
Sa pagparaanap kanimo....
Ko maanap tay ka
So mata mo biyong namuya
Ta tadi na ako
Na miginabod kanimo.
So kapagalan ko nauda na
So kauditan ko napura na
Paryas kitang namuya
Paluwas sa katatambuang nagib-ugan na
No comments:
Post a Comment