Paboritong kawatan ni Nena
Suminakat siya duman sa sanga
Kuminalag-kalag,makahiling baga.
Yinugyog niya an puon
Pero an naragrag mga dahon.
Ano daw ta warang amamangi?
(Hapot niya sa saiyang sadiri.)
Si Nena herak man ta naghihibi
Wara kayang nakuang amamangi
An pu-ngaw sa mata niya aldao- banggi
Asin an panahon marikas nang uminagi.
Si Nena ngunian daraga na.
Magayunon na, seksi pa.
Pero kawatang paborito niya
Iyo pa an amamangi sa dahon nin maggga.
Kaya rinegalohan ming amamangi
Anong ugma mi ta ako sinewerte!
Sa amamanging dara mi siya namuya.
Namuya man mi ta nakua ko an puso niya.
No comments:
Post a Comment