Langit-langitan ka mga Talaod

Sa matubig na uma
O sa makangkong na parte
Pirming sadto sinda.

Bantay sa mga surang matubis
O sa talapang uda kaliskis
A Panrakop ninda tukang matulis.


Sa paglayog ninda oro-aldao
Sa pagtunga o pag nasupog na a aldao
Langit-langitan inaanap.


Minsan sa purongputungan ka mambog
Malaka-sopistikadong nakatindog.
Hade bagang malaka-pusog.


Minsan sa ibabaw ka damulag
Uda andal na matitikrag.
A duwang bugaybo na sa payo nakatingkag.


Minsan sadto langit
Sa mga panganorong lang-akit
Sa patak ka urang malapnit sa kulit.


Usad na aldao
Nagrulopadan sinda
Diri ko aram kun pasari na
Kaya inunga ko!
"Puting bugaybo pasari na kamo?

Simbag ninda "Pasadto---- Pasadto
Pasadto sa langit-langitan ka mga talaod
Na paryo mo......"

jomark m. baynado 12/20/2010