karimlan

Niyanig ang lupa
Ng iyong galit
Nangatakot ang panggabing ibon
Nangatulala ang mga puno
Walang umimik
Lahat nakiramdam
Unti-unting bumigay ang aking katinuan
Dumausdos pababa
Pababa ng pababa
Tungo sa kawalan
Bog!
Wasak-wasak na tumilasik
Ang basag kong katawan
Ni hindi ko na naaninag
Ang liwanag
Lumukob ......lumukob sa akin ang karimlan
Gumuho ang aking pag-asa