Si Nanay Dora

Sino ang kasama mo?
Buti naman at binisita mo ako!
Sino ang kasama mo?
Wala ka ba diyang pera pwdeng makahiram?
Mahirap na kasi itong matanda na.
Alam mo lagi akong nahihilo,
Natatakot nga akong baka mahulog ako sa hagdan
Kanina lang nagdilim ang paningin ko
Buti na lang nakahawak ako
Sino ang kasama mo?
Ah saan ko ba nailagay ang inhaler ko
Ano nga yung dala mo?
Maya-maya kakainin ko yun.
Paminsan-minsan dumito ka naman
Para malaman mo kung humihinga pa ko o hindi na.
Kahit isa sa isang buwan okey na yun.
Uuwi ka na?
Dahan-dahan ka diyan sa daan,
Kapag may magsitsit huwag mong intindihin
Deretso ka lang ha.....
Pahiram naman ng pera ibibili ko kasi ng posporo
Sino nga ang kasama mo?
Dahan -dahan ka sa daan.
Bisitahin mo lagi ako
Mahirap ang laging walang kasama.