ma patawada, ta napadapla ako!

kadto ku sadit pa ako
tinuturuan mo akong mag-agi
dawa ika napapagal
dawa nagtuturo  a bag-ot
basta ako maka-tuod maglakang
okey sana.....
sabi mo, dapat diri ako malupog.....
kaya tinuturuan mo akong
mag-agi sa tulid
nauudit ka pag napapadapla ako
ta narurungasan a tuhod .....
abu  mo akong makulgan
abu akong marungasan.............


ma patawada
ta nakinamit ako sa pagkamoot na agko lason
naki-gakos ako sa kawuy na agko tag-sadiri
ma patawada ta duwa na ako nguwan
uda ako susulodon
sagkod di ko kayang sumulod
kaya uminuli ako sadi baloy nato
na rungasan
nagrurugo ading tuhod.....
nasasakitan akong  bumuhat
ma patawada ta napadapla ako..........

ma aram ko makulog
ading ginibo ko
sana di mo ako isubol parayo
imbes tuturuan mo ako utrong mag-agi....