May pangako ang ulan
Sa pagbagsak nito sa bubungan….
Naputik na ang dalawang pulgadang alikabok sa daan
Muling nang sinariwa ang nauuhaw na lupa
Pinalis na ang pagkasabik ng natigang na ilog.
Tumutubo na ang naluoy na damo
Kumakaway na ang mahamog na dahon ng mais
Na pinagtiyagang inilusod ng gitaking palad.
Malakas na ang daloy ng tubig sa balisbisan ng bundok
Puno na ang dram ng tubig mula sa sagurong
Mapapaligo na ulit ang bansot na baboy.
Nagbabagong kulay na ang bundok
Nagsasaplot na muli ng bulaklak at talbos
Kasabay ng pagtubo ng mais
May pangako nga ang ulan
Sa kabundukan ng Cristo Rey…..
May pangako......
No comments:
Post a Comment