Kun gauno ta kauban itinatadyok
a mga tukon
Ag ikinakabit dagos
ginagaplot a pukot
Tanganing diri matumba o
marapak
Arog man kan a pag-inguwa ta
Na makapagpaludab gamit
a giniris na anod na tsinelas
Ag giriw tanganing
makapagsugba sa batag na abal
Na nakuko ta sadto
bulig na nagkaturumba ko pagbaha.
Kun gauno kaaba o
kaalipot
A pag-ulat tan a agko
masalang lumayog
Na riwariw, tiking,
baktat o kaya ong
Sadto taon natong pukot
Arog man kan a pasensiya
nato
Na malutong bukong bagiw
su batag na sinugba nato
Ta a siram ka ngamin na
bagay agko panahon
Paryas ka pagpandaw agko
man oras…..
No comments:
Post a Comment