lam-awan damulag

ading kinaban
lam-awan damulag
na itinatagu ka mga bilding
na kalansay
na nag-uurunaan paitaas
itinatagu ka mga asu sa tambutso
na una mo panganuron
na gusto tang abutan ko kita sadit pa...

sa irarom ka mga laboy
nakatalbong su mga paon
na kun kita mapadagso
o madarang maglalao
matutubong kita
o kaya matatalbong na pairarom
sa mga lamud
ag manamitan ta a namit kading kinaban
dagos diri na maka-angos
o makabutwa....

lam-awan damulag ading kinaban
na inadornohan sa mga plastik na burak
pinapasilaw ka mga silyab
ag kimat ka mga brilyante
na diri makaon
diri man makakasalbar
diri makatutugbong o makapapaaba sa buhay
diri man makapaparani kanako
sadto tawong gusto tang maranyan.......