Plant vs. Zombie

Sa pagbukas ng pahina ng panahon
Kasabay ng pagsilip ng kinang sa silangan
Ay ang pag-atake ng mga zombie
(na tila di nila ala ang kanilang ginagawa)
Tuwid na tuwid ang kanilang mga kamay.
Ang mala-wendol at mala-morlock na kanilang aura
ay napapanginig sa plant at mga puno.


Sukbit ng mga zombie ang pangil
Na kung itarak ay nakakalason,nakakamatay
Ang awit ng kanilang pangil ay punog-salita
ng mga libro ng hilahil at kalungkutan.


Kasabay ng alulong ng mga punong pinugutan ng leeg
at pinutulan paa
ang pagkisay-kisay
ng mga zombieng nangatuwa sa krimeng ginawa....



Punit-punit na nga ang puso ng mga zombie
at frozen na ang kanilanng utak
at ayaw nang ipatalikmi
sa pukpok ng martilyo ng pagtanto ng katotohanan.....


Paminsan-minsan nanalo ang zombie
Subalit di pa rin pagagapi ang mga plant at puno
na kakampi ang daluyong ng kalamidad........
Sa isang nga sapak lang tsunami
ay namumutla na ang mga zombie
At ang isang suntok ng bagyong signal number 3
ay tila benditadong tubig
na tumutunaw sa kanilang lakas.