Salbabida

Iká a salbabida ko
Sa masulóg na sulóng ka buway
Nakagakos ako kanimo habang na nagpapatawpátaw
Sa kabitngáan ka kaudáan
Sa pag-aanáp sa sadíring nauudà
Sa pagsulód ka nagsusulog na pagtubód
Abû ta ikang bilíwan
Ta dirí pa ako tatáong makutabkutáb
Magbarabára o mag-ináyam
Tangáning masalúnga a sulóg.
 Nakalunad ako kanimo 
Ta kun akó kaúnon ka sadíring kaluyáhan ag kusóg boót
ag dagos  matambunán ka mga ragpâ
ilulutaw ag ilulutaw mo ako
Inalsa mo ngamin na gubat ko
ta kun sa pagbarabará sa pag-abót ka pangpang
maubusan sa kusog o kaya  pangluyahon
iaawas ag iiàwas mo
A payóng naglublób sa tubig
Ag nagsusulód inángos
Suyan ka  piri na migduyóng kanakô
Para makaabante
Tangáning maabót ko adíng pangaturogan ag pagláom
Ma, iká a salbabida ko
Tangáning padágos na mag-angos....