Nay para tagiti

nay para tagiti.. lang uyam
nay para angin lang pungaw....

sabi ko saymo kaydto
kayon akong pagkamoot
na abu kong ipasabot
ta an batag na iluw pa masakrot
kaya hinalat ta ka na mainog
na magin mayugmok....
sa ngabil ag sa kamot
kaya su  kalboro itinapil
ta a pagkamoot kong sutil
baka pirming pumisil
hinalat ko su tamang aldaw
hinalat tay ka
hinalat tay ka
pero di ka na naghabot.....

nay para tagiti lang uyam
nay para angin maagnuw

sabi ko saymo kaydto
ako pag gab-i nay para pirut
na nagigibo nin surat-pagkamoot
na dawa takrob ipasabot
ining lumbod na pagkamoot
habung magpundo ining kamot
sa pagkurit nagpupulbar na magpasabot
Ta a mangga pag iluw pa
matigsom! ay malang alsom
kaya pinainog tay ka sa puon
ta pag inog na saka kukuon
pero abal pa sanay ka
nagpagutos na sa iba......