Munting Tinig

Munting Tinig,
Saan ka ba nagmumula?
At saan ka rin patungo?
Minsan tila ungol ka ng pagdurusa
At minsan ngiti ka sa mata.
Minsan tila bulong ka at buntong-hininga
At minsan taginting ka ng pagtawa.


Munting tinig,
Saan ka ba nagmumula?
At saan ka naman patungo?
Minsan tila sibol ka ng bulaklak
At minsan hapdi ka sa lakas ng patak!
Minsan tila kumakaway ka at namamaalam
at minsan ipinapanganak ka ng mga titik at parirala.


Munting tinig!
'Di nga batid ang iyong pinagmumulan
At iyong patutunguhan
Sapagkat nagmumula ang lahat
Sa walang pinagmumulan......