Maghimaya ka Maria......
Uno san tuom mong pangadyion
Na gurogab-ing mong linilitanya?
Uno san butang na da sawang mong inurootro
Dinodorodoble hangang ika mapagal?
Maghimaya ka Maria.......
Sa kamot mong korondot na
Uno san kinakaptan mong pagtubod
Na kun masaki kang mapaggisung
Abu na otrong paturogon?
Maghimaya ka Maria......
Sa gurogab-ing mong pagpatinti
Uno a nakukuo mo?
Sa padagos mong nagngungurob-ngurob
Ngata nasimbag su mga unga mo?
Ngata nag-abot na so inuulat mo?
Maghimaya ka Maria......
Sa kapagalan ka awak na dara ka pagtios
Dara ka kagurangan ag kailangan
Mabulong raw ka patinti san ki Maria
O kaya marungog raw a inoorootrong mong
Maghimaya ka Maria?
No comments:
Post a Comment