Ginising ka mula sa pagkakahimbing
Ng mga anunsiyo't pangangampanya
Ng mga pulitikong nais magpabango.
Ng mga awit ng gusgusing bata
Na sa kalye ay nangangaroling.
Ng mga hikbi at panangis
ng mga kaluluwang pinaslang ng walang hapis.
Ng lakas ng bulyawan at argumento
At walang katapusang debate sa kongreso
Ukol sa Martial Law.
Ng mga dalagitang humihingi ng hustisya
Sa panghahalay, pangbababoy sa kanila.
Ng mga uha ng fetus 'di na marinig
na nakasupot sa basurahan.
Sumiklab ang iyong poot,
Dumaloy ang mainit na likido
Dinaana'y nasunog, naabo.
12/2009
No comments:
Post a Comment