hagulhol sa dilim

paulit-ulit

pault-ulit na mabibigo

luluha

tatahan

tatawa

at muling mabibigo.....

mabibigo

at mabibigo

luluha

at luluha

tatahan

at tatahan

tatawa at tatawa.......

ritwal ng kabiguan

ang pauli-t ulit na pagkabigo

pagluha at pagtahan

at muling pagtawa......

ritwal rin ng pag-asa

ang pagbangon sa umaga

kasabay ng pagyakap

ng hintuturo ng araw

sa sangkalupaan..............​........

kirot ng kurot

kirot ng kurot ng pagsakit

ang sampal ng hanging

sumasakal sa aking  leeg.....

'di ako makahinga

at dahan ng  napiipigtas

ang huling talulot

ng aking pag-asa.......

yakapin mo ako

reyna na aking gabi

at ilatag kahit sa panandaling banig

ng paglimot....

at maghimala man

baka mapigtas  na ang

pising  nakatali sa aking leeg...........

kirot ng kurot ng pagsakit
ang sampal ng hanging
sumasakal sa aking  leeg.....

'di ako makahinga
at dahan ng  napiipigtas
ang huling talulot
ng aking pag-asa.......

yakapin mo ako
reyna na aking gabi
at ilatag kahit sa panandaling banig
ng paglimot....


at maghimala man
baka mapigtas  na ang
pising  nakatali sa aking leeg...........

walang saysay

walang saysay

ang aking tula

walang indayog

walang tugma.............

mga tuldok

ang aking tula

hindi mabasa

hindi maunawa............

walang halagang  salita

ang aking mga  tula

kahulugan di malirip

ng ordinaryong isip................

walang saysay

dahil tuldok

sino bang nakakabasa ng tuldok

ako lang yun, ako...................

mani

Sinalubong niya ang bus

mabilis siyang sumabit

sa pintuan nito.

(walang pasaherong nagulat)

Ni hindi natapon ang tinda

niyang mani.....

Mula sa likod inisa-isa niya ang pasahero

(pero walang pasaherong bumili.....)

Ng muling umarangkada ang bus

mabilis siyang tumalon

hindi siya nadapa,

hindi rin natapon ang mani

(walang pasaherong nagulat.....)

Muli sinalubong niya

ang isa pang paparating na bus

Umamba siya sa pintuan nito

Inisa-isa niya ang pasahero

Inalok ng kanyang mani.....

"Ale salted na mani

Kuya mani po!"

(walang pasaherong bumili)

Tanghali na

Singkwenta pa lang ang benta niya......

Muli, mabilis siyang tumalon

Sa pag-arangkada ng bus

(hindi siya nadapa

at hindi rin natapon ang  mani......)

Matubig na ang kanyang mukha

naghahalong pawis at luha

naghahalong pag-asa at awa..

"May sakit si bunso......

kailangang makabenta..........."

Muli sinalubong niya ang paparating na bus.....................