tigsik

A tigsik (binabaoy man na kansíng sa Daan na Bikol) usad na suánoy na porma nin alìpót na rawitdawit  na nagpapabayad ka natural na talento ka mga Bikolano sa pagberso. Binibilog  iní nin duwa o abot sa upát na taytáy na agko walóng silaba o sobra pa. Lambáng usad kadi agko eskimang usad na sarambit o mono-rhyme.  Pabigláng tinitìyáw o inginungúsò iní sa atubángan ka pagtirípon. Iní kadaklan makangisi, o agko "piltik" sa siisáy man na pinapatamáan. Nahihímò na "sarambít" o barágay sa padalían na pagkawingkawíng kun maúsay a

 paratigsík.  (http://bcl.wikipedia.org/wiki/Tigsik)

Tigsik ko ining diskohan
Ta dawa biyong inuuran
Pigparadayo pa man
Pauso ngani magkaralabuyan.

Tigsik ko ining siwsiw na malapaga
Nakatugron sa sanga ka mangga
Solo-solong inuulat na mag-abot na
Su gurangan na migtugon ka niya.

Tigsik ko  ining gogon
Ta sa ginabutan ko poon
Tuminubo man gilayon
Buminurak pa sa magayon.

Tigsik ko ining dag-om
Ta su aldaw ko pinarumarom
Rinabong pa ako ni agom
Ta nabasa su igagatong.

Tigsik ko ining matematika
Ta a utok ko kinukurta
Di ko isi kun papaunohon na
Ta di ki isi a pormula.

Tigsik ining buradol
Ta di takot sa daguldol
Sinampaling sa angin
Pero di basta-basta napuputol.

Tigsik ko ing rignos
Ta nagsasalagan sa bulos
Mga itlog biyong pinuputos.

Tigsik ko ining abrot
Ta biyo bagang sinisirot
Dawa matagras, kinakamot
Ta a sintabo di napupurot.


Tigsik ko ining makusog na baha
Ta  dara-dara mga ragpa
Tinaluban su paruyan sadto baba
Kaya uda kami nguwan isasapna.

Tigsik ko ining aligata
Ta napgpopoon ng magtagama
Sa tupasing kakaunon ninda
Ta a tag-uran arani na!

Tigsik ko ining bereran
Ta dawa  maalsom, masiram man
Lalo na pag ipinalaman
Sa sinaglay na sinilihan.

Tigsik ko ining facebook
Ta dakul sadi nauutitok
Igin, estudyante, gurang ay lang pook
Ta pati ako facebook na a sa utok

Tigsik ko ining parainom
Ta pag sinungkat ni agom
A malsok nagrurumarom
Nagiging punching bag si agom.

Tigsik ko ining tibabong
Ta sa dootan siging ugong
Tinakma ko ag pinugong
Lupsot na, kamot ko pa natubong!

Tigsik ko ining barani
Ta ku maka-anod sa kali
Naging baruto ni Jose!

Tigsik ko ining burod
Ta dawa unog paglapigot
Ta a iwag gana ulod
Uda man naaabt.

Tigsik ko ining samod
Ta dawa biyo nang podpod
Nakakalinig pa man sa salog.


Tigsik ko ining toro
Ta lang urot iaarado
Dawa pagal uda reklamo
Pakimaeerak sana lalao.

Tigsik ko ining kurakod
Ta sa bangbangan nagtatanod
Ulat bunga-bungang masinugod
Sa sako ka mais na ilulusod.

Tigsik ko ining tanod
Ta gurugab-i nagpapalawod
Dawa biyo ng kinukurod
Sa kariribukan suminusugod.