Mamatay, mabuhay sa pawis na tunay
'Sang kadakilaang, dapat hangaan
Sabay ng paglayo, puso'y nagdurugo
Pag asa'y linirip, pilit sinisilip.
Pagkat sa ibayo, pagluha'y inako
Sa banyagang mukha nakisalamuha.
Luha'y tanikala, dusa'y pinipiga
Oras panalangin sa malayong tingin.
Lakas 'di matinag sa isip na hungkag.
Mukha'y inaaninag sa dilim ay bihag.
Humarap,tumalikod ni walang humagod
Sa hina na ng tuhod sa pagkakaluhod!
Ang pagungulila linunok ng dila
"Kinabukasang nasa makamtan na sana"
Simula umaga bulong mo sa t'wina.
Palad nagdurugo, panaghoy sa puso.
At ang milyang layo, pasang krus at pako....
No comments:
Post a Comment