Itinikom ko ang aking bibig
Pero sapilitang iyong ibinuka
Walang kahit isang salitang lumabas doon...
Sapagkat hindi ako Cain.
Sa galit nila
Binusalan ng limang litrong tubig
Ang aking sapilitang ibinukang bibig
Subalit walang lumabas na tinig
Pagkat wala akong takot....
walang kaligkig......
Pinalabas muli ng dagok
Ang limang litrong tubig
Na ibinusal sa pinilit na maibukang bibig
Subalit walang na akog panginginig
at wala na rin akong tinig......
Hindi ako Cain!
Kaya wala akong aaminin
Kahit paulit-ulit akong painumin....
Kahit buhay ay kitilin
-----para sa mga Makapili
No comments:
Post a Comment