Sa gurang na daing nadudulukan....

Pina'san mo an kinaban
Ginibo gabos
Tanganing mapakaray an buway kan saimog mga aki
Pero ngunian na ika gurang na
Dai kanang nadudulukan
Dai nang naayatan ki tabang.....

Subagong pagkaaga
Nagduman ka sa saimong aki
Na maray-ray an buhay
Mahagad kuta ki pambakal ki bulong
Pero dakulang ngalas mo
Ta dai siyang sintabo!
Pero nahiling mo duman sa lamesa
An masisiram na pagkakan
Na dai man lang saimo inalok dawa kunyari sana!
Nahiling mo man sa li-og niya an bulawan na kwintas
Nagkakalay-kalay.....makintabon...nakakasula sa mata.
Sigurado ka mamahalon to.
Dai man niya sabihon
Pero namamati mo na gusto niya na maghale kana
Sa harong ninda...
Makulog man sa bo-ot
Tuminalikod ka.
Kaysa man sabihon niya na maglayas ka na!
Di mas lalong makulog sa boot!

Si saimong paglakaw pauli duman sa saindong barong-barong
Nanluluya na an saimong tuhod
Siguro sa gutom o sa kapagalan kaya
Sa paglakaw mong dai ka man napala!
Siguro swerte ka pa
Ta nasabat mo an saro mo pang aking babae
Iyo nagbisa man saimo
Pero ni naghapot baga kun nata ika nanluluya?
Nag-apot baga kun igwa pa ikang kinakakan?
Na-hapot baga kun kumusta pa pagbuhay-buhay mo?
Dai! Ta nagmamadali man ta hinahalat siya kan mga amiga niya!

An kulog kan boot mo nadoble pa!
Iyo dai kanang nadudulukan
Dai nang nahahagadan ki tabang pero okey sana
Ta igwa ka pa man pagtubod ki Ama
Luway-luway kang naglakaw pauli
Salamat ta sa pirta kana kan saimong barong-barong.
Barong-barong na kan panahon naging istaran kan ulok
Kan saimong mga aking pinadangat!


Biglang nagdiklom an saimong paghiling
Siguro sa kapagalan o kaya pagkagutom kaya
Natumba ka sa paril!
Wara man lamang tuminabang......
Wara man lamang duminulok.......
"O, Diyos ko!" an nataram mo!

jomark m. baynado 12/2010