pahalimuyakin

huwag pasibolin.....

sumisibol ang talulot  ng galit
sa apat na sulok ng kwadrado
at asido itong nanugat
sa mga pahina ng pangarap
ng mga inosenteng daliri
at ang bawat titig
ay kuko ng lawin
tumatarak sa laman at buto
kumikitil...
pumapatay ng pagkakataon!

paano kong ang  galit ay  'di magkabisa
ang asido ay di tumalab
pagkat ang balat ay sira na
'di na makaramdam
at ang kuko ng lawin
ay maging pakong walang talim
at itinanim at pinasibol na galit
ay isampal  ng panahon  sariling mukha
at pagtatawanan ka ng inosenteng labii....

ito ang pahalimuyakin....

kung sa pagtayo kaya at pagharap  sa entablado
buksan ang pintuan ng pag-ibig
at akayin ang mumunting dailri
at kasabay nang pilantik o pitik ng mga kamay
mahubog ang isang karangalan at pangarap
sa sa pagngiti ng umaga
at pag-awit ng mga ibon
ibubulong  ng mga anghel
ang magandang balita
na sa  iyong pawis at luha
sa  iyong pag-ibig at pag-aaruga...
 imortal ka na pala sa puso ng bata...