Sa'yo papasibol na bulaklak ng orkidya

Sa'yo papasibol na bulaklak ng orkidya
Huwag matakot, huwag mangamba.
Huwag mahiyang ang hiyas ipakita
Ang rikit ng iyong mata,
At ang kinang at busilak ng paraisong dala.
Damhin mo ang halik ng hangin
Ang pagsuyo ng hamog ay lasapin.
Makipagtalik ka sa mga paroparo.
Hanggang mapunlahan ka't maging buto.
Upang sa sunod na bukang-liwayway
Muling sumibol ang rikit mo....


Sayo papasibol na bulaklak ng orkidya
Halina! Mamukadkad ka.
Akitin mo ang mga bubuyog
Makipagniig ka,
Ipatikim sa kanila ang iyong nektar
Lasingin sila ng iyong tamis.
Bago ka tuluyang malanta
At mapigtas ang talutot mong lila...
Upang sa susunod na takip-silim
Muli ay sumibol ka.....