Karunungan

Ang karunungan ay bituing nagsabog yaman
Sa karimlan ng gabi.
Mistulang mumunting sulong
Sumisilip sa pangahas na ulap.
At ang mga nakatuklas ay nagtaka!
Sapagkat ang karunungan ay hindi matamis!
Ito'y apdong munti't marikit ang kulay
Ngunit tikman ang pait ng katotohanan.



Karunungan yaman nga ng isip-tao.
Ngunit may karunungang nagbabalat-kayo
Sumpa! Itakwil! Sunugin! Gawing abo!
Upang hindi na magnaknak sa lupaing ito
At ngayon inilalahad ko
Na karamiha sa karunungang magaling.
Ay bulag sa katotohanag isinusupling!