Sa tutubing pinagpiyestahan ng mga langgam

Sa tutubing pinagpiyestahan  ng  mga  langgam
Patawad,  patawarin  mo  ang  utak kong  gutom  sa  karunungan.
Ngayon hila  ka  ng mga  langgam
Pinag- aagawan.......
Pinagpipiyestahan
Ng  mga  buwitreng  tampalasan
Lahat  gustong  sumipsip  sa  iyong  ugat
Ng mga  mumunting  bampirang  isinumpa..... 
Na  gutom  sa dugo  at  laman....


Pakpak  mong nakabuka  tila  krus  na  dasalan
Mga kamay  mong  dikit   ay nanalangin
Marahil  'di  ko  nga  nadama  ang  malagim mong  kinahinatnan
Ang  kirot  ng  kagat  ng  kamatayan.
Ngunit  punyal  namang  tumagos  sa  aking puso
Ang  buntong - hininga  ng  aking  konsensiya.