Dinaysek na Utok

Usad na apon buminuklad
Su sadiri kong utok
Sa nakauba kong atubangan.




A utok ko palan sulong na nagsusulog
Na nababanga sa duwa....




Su usad mga ragpa ag tigbak
Na ayop a pigaanod. Mabata!
Su usad mga nagbuburak na water hyacinth
Ag mga ga-palad na  karpa a naglalangoy.




Di ko isi kun nata gana mas dakul su ragpa
Mas dakul so mga tigbak ag nalulupa
Nakatakot ako ag napapirong.




Pagbuklat su utok kong sulong
Naging mga dahon na sa libro
Ko sadiri kong mga rawit-dawit.




Nakigkig ako ta nabuway su  mga saritang nakasurat sadto
Pigrawidawitan ako, pigsermonan ako
Ko mga sadiri kong sarita
Napukro ako, napsupog sa sadiri.