Ang aking tula

Sa dugo ipinanganak ang aking tula
Namumukadkad ng buhay at pagkadakila
Ito ang aking handog sa paanan ni Bathala
Na sa duguang krus nagpatirapa.

Pagkat pawis ito ng libong mangagawa
Na tinitiis ang pang-aandukha
Hinga ito ng bawat magsasaka
Na libong buhay ang hinuhulma.

Ngiti  ito ng mga bayaning ina
Na sa anak  buong pusong nag-aaruga.
Uha ng bawat inosenteng sanggol
Na sinapupunan  bulaklak  na sumisibol.

Ito ang aking hamak na tula
Na sumasagisag sa pagkadakila
Sa buhay at walang katapusang pagtitiyaga
Upang maturol ang nakatagong hiwaga..