paghahanap(sa sarili)

Saan?
Dito ba? Doon ba?
Saang liko ba?

Halungkat....tapon, kalat....
Wala!
Saan ka ba nakatago?
At 'di ko mahanap,
Sa libro ka ba at agham?
Sa alahas ka ba at pera?
Sa alak ka ba at kasiyahan?
Sa kinang ka ba ng ginto?
O sa patak ng bawat luha?
Sa imbay ka ba ng dahon,
O sa halakhak ng alon?


Saan ka ba naroroon?
At 'di ko masumpungan
Ikaw ba ang hiwaga
Sa bawat pagngiti ng bulaklak
O sa taghoy ng dahong luoy?
Ikaw ba ang ungol ng hanging habagat
O ang malamyos na tinig-dagat?


Saan ka ba nagkakanlong?
Saan ka ba nagkakandong?
Doon ka ba sa hinhin ng tubig
O sa himig ng pag-ibig?
Ikaw ba ang kapangyarihang 'di natatanto
Ni naararo ng isip-tao?
Ikaw ba ang misteryo
Na itinatatgo ng rosaryo?
O ang mapanganib na bagyo
Na lubhang mapanira sa tao?

Saan?
Diyan ba? Nakita mo na ba?
Saang gilid kaya?

Sisid.....
Bungkal.....
Kalat......


jomark m. baynado 01/14/2008