Todok sa tiil

Berso Blg .01

Bumubuwat.......umuula
Oro-otrong matutulala
Luway-luway na mig patak a luwa!


Berso  Blg. 02

Pasini......pasiton
Libong kun sarin migpoon
Ta napusang lalawgon masakit bilogn!


Berso Blg. 03

Lumalayog...... tumutugron
Ta kun di maabot a panganoron
Bumubwelo gilayon!


Berso Blg. 04

Palaob.....paasag
Bubugnuton a takyag
Tanganing masulit otro a napulsag na awak!


Berso Blg. 05

Bubuwayon.....ilulubong
Nabubuway a kulog ka tubong
Pag nakakatugsaw sa sulong!


Berso Blg.06

Umaatubang...tumatalikod
Itago man a bata' sa bulod
Lumuluwas ag lumuluwas a matuod!


Berso Blg. 07

Pumanik.....bumababa'
Sa agran na lupa'
Sa inuban-uban lumalapatak ka sa raga!

Berso Blg. 08

Marurumruman.....maliingawan
isip una ng nagraan
Ta ngamin nalingawan!


Berso Blg. 09

Pairaya.......pailawod
Dawa sarin darahon ka tuhod
Basta makusog a pagtubod!