kahirapan

Kahirapan
ni Jomark Baynado

Ito ay amoy ng pusali,
Taghoy ng ibong nalalagalag,
Kudkud ng kutsara sa kalderong walang laman,
Pagmamakaawa ng mga kalapating 'di makalipad,
Pagbagsak ng mga yero at dingding sa eskwater na denimolish
Sigaw ng mga raliyestang nakahiga sa kalsada,
Pakiusap ng batang humihingi ng barya,
Kaluskus sa basurahan,
Uha ng munting sanggol na iniwan sa CR,
Patak ng mga luha ng inang nagpapabusabos sa ibang bayan,
Suicide note ng natanggal sa trabaho,
Kalansing ng baryang sweldo,
Sapo sa tiyan ng batang nanglilimahid
Bulong ng sikmurang kumakalam
Panis na laway
Kalyo ng palad
Putik sa mukha
Amoy ng basura
Dikit-dikit na bahay
Huni ng bubuwit, ipis, askal, pusakal
At ito ang pasang krus ni Juan.

http://dinsulan.freeforums.org/kahirapan-t42.html